2022 жылдың 18-21 тамыз күндері аралығында Нұр-Сұлтан қаласында Греплингтен Азия Чемпионаты болып өтті. Аталған жарысқа Мырзакент спорт клубының спортшылары Төлеп Орынбасар, Зұлпан Елдос және клубтың жаттықтырушысы Қарабаев Нұржан қатысып, өз бақтарын сынады.
Жарыс нәтижесі бойынша 14-15 жас ерекшелігі бойынша Төлеп Орынбасар Чемпионаттың Күміс жүлдегері атанса, 16-17 жас ерекшелігі бойынша Зұлпан Елдос Азия Чемпионы болды. Сондай-ақ, ересектер арасында Қарабаев Нұржан жарыстың қола жүлдесін иеленді.
Осылайша Мырзакент спорт клубының Азия Чемпионатына жолдама жеңіп алған үш спортшысы да жеңіс тұғырынан көрініп, ауыз толтырып айтарлықтай жетістіктерге жетті. Біз осынау жетістікке жеткен спортшы жастарымызға алдағы уақытта да алар асуларыңыз бен бағындырар белестеріңіздің көп болуына тілектеспіз!