Премьер-Министр Әлихан Смайылов Шымкентке жұмыс сапары барысында өңірлік сауда-логистикалық хаб жобасымен, сонымен қатар бірқатар ірі өндірістік нысандардың жұмысымен танысты, – деп хабарлайды primeminister.kz.
Үкімет басшысы заманауи үлгіде қызмет көрсететін көп функционалды сауда-логистикалық орталық, дүниежүзілік стандарттарға сәйкес барлық кластағы қоймаларды аралады. Әлихан Смайылов сауда-логистикалық орталықты дамыту, оның аумағын 136 гектарға ұлғайту туралы шешім қабылданғанын атап өтті. Бұл өз кезегінде әлеуметтік маңызы бар азық-түлік өнімдерінің бағасын тұрақтандыруға айтарлықтай үлес қосады.
«Орталықтың кеңеюі Шымкенттің Орталық Азия елдері арасында көліктік-логистикалық хабқа айналуына мүмкіндік береді. Бұл жалпы ел экономикасының дамуына оң әсер етеді», – деді Әлихан Смайылов.
Narkesken.kz