Ө.Жәнібеков атындағы Оңтүстік Қазақстан педагогикалық университеті жанынан әскери кафедра ашылды.
– Қазіргі таңда кафедрада 27 оқытушы-прфеесор бар. Олардың барлығы бұрын әскери қызметте болған, зейнетке шыққан мықты мамандар. Сондай-ақ, 9 инженерлік-техникалық персонал,15 оқу-әдістемелік бөлімі бар. Кафедра толық тексеруден өтіп, түгелдей білім беруге дайын. Бізге тапсырып жатқан студенттер де көп. Оқуға тапсырушалр саны қазір 1000- нан асып кетті, — деді Әскери кафедра бастығы, полковник Алмас Айтов.
Ө.Жәнібеков атындағы ОҚПУ Әскери кафедрасының профессорлық-оқытушылар құрамы ҚР Қарулы Күштері құрамында кафедра дайындап жатқан әскери-есептік мамандықтарға сай әскер түрлерінде, тиісті лауазымдарда қызмет атқарған, әскери-педагогикалық тәжірибесі мол офицерлерден тұрады.
Әскери-есептік мамандықтарды даярлаудағы арнайы пәндер бойынша арнайы сыныптар көрнекі құралдармен, қару-жарақ үлгілерімен, макеттермен және әдістемелік нұсқаулармен жабдықталған. Әскери-есептік мамандықтар бойынша әр пәнге арналған бағдарламалар қазіргі таңдағы ТМД мемлекеттеріндегі және дүние жүзіндегі қақтығыстарда қолданылып жатқан ұрыс жүргізу тактикаларын есепке ала отырып өңделген.
NARKESKEN.KZ