Қазақстан Республикасының Президенті Қасым-Жомарт Тоқаев кәсіпкерлікті тек экономикалық өсімнің ғана емес, сонымен қатар әлеуметтік прогрестің маңызды факторы ретінде қарастырады. Мемлекет басшысының пікірінше, кәсіпкерлер – жаңа жұмыс орындарын ашатын, инновацияларды енгізетін және халықтың әл-ауқатын арттыратын белсенді азаматтар. Осыған орай, мемлекеттің басты міндеті – олардың қызметіне қолайлы жағдай жасау, кәсіпкерлік қызметке кедергі келтіретін факторларды жою және олардың құқықтарын тиімді қорғау.
Бұл ұстанымды жүзеге асыру мақсатында жергілікті деңгейде де белсенді жұмыстар атқарылуда. Жақында Кентау қаласы әкімдігінің ұйымдастыруымен қала прокуратурасы, «Атамекен» ұлттық кәсіпкерлер палатасының өкілдері, ауыл әкімдері, тиісті бөлім және мекеме басшылары, сондай-ақ қала кәсіпкерлерінің қатысуымен кеңейтілген жиын өтті.
Жиынның негізгі мақсаты – кәсіпкерлер тарапынан бұрыннан көтеріліп жүрген өзекті мәселелерді тыңдап, олардың шешу жолдарын жан-жақты талқылау болды. Жиын барысында қала әкімі Жандос Тасов кәсіпкерлердің ұсыныстарын назарға алып, олардың кәсіпкерлік қызметін дамытуға бағытталған бастамаларын қолдауға дайын екенін білдірді.
Кәсіпкерлер тарапынан инфрақұрылым жеткізу, жер телімдерін рәсімдеу, рұқсат құжаттарын алу және бақылау процестерін жеңілдету, шағын кәсіпкерлікті ұлғайту, сондай-ақ мемлекет тарапынан берілетін төмен пайызды несиелерге қол жеткізу бойынша нақты ұсыныстар айтылды. Бұл ұсыныстар кәсіпкерлердің күнделікті жұмысында кездесетін қиындықтарды айқын көрсетті және оларды шешудің маңыздылығын атап өтті.
Сонымен қатар, жиынға қатысқан прокуратура және «Атамекен» палатасы өкілдері бизнестің құқықтық қорғалуы, заң талаптарының дұрыс сақталуы, кәсіпкерлерге қолайлы жағдай қалыптастыру бағытында түсіндіру жұмыстарын жүргізді. Бұл жұмыстар кәсіпкерлердің өз құқықтарын тереңірек түсінуіне және заң аясында жұмыс істеуіне ықпал етеді.
Жиын қорытындысында көтерілген мәселелер бойынша нақты тапсырмалар беріліп, жауапты тұлғаларға мерзімдерімен міндеттер жүктелді. Бұл кәсіпкерлердің ұсыныстары мен проблемалары ескерусіз қалмай, тиісті шаралар қабылданатынына кепілдік береді. Қала басшысы кәсіпкерлермен кездесу әрі қарай да жалғасатынын, әр ұсыныстың мұқият қаралатытынын атап өтті. Бұл кәсіпкерлермен тұрақты диалог орнатуға және олардың қажеттіліктеріне жедел жауап беруге бағытталған қала әкімдігінің ұстанымын көрсетеді.
Жалпы, бұл іс-шара Мемлекет басшысының кәсіпкерлікті қолдау және дамыту жөніндегі саясатын жергілікті деңгейде жүзеге асырудың нақты көрінісі болып табылады. Кәсіпкерлермен тікелей байланыс орнату, олардың мәселелерін тыңдау және шешу жолдарын іздеу арқылы қала әкімдігі кәсіпкерлік ортаны жақсартуға және қаланың экономикалық дамуына үлес қосуға бағытталған. Бұл өз кезегінде жаңа жұмыс орындарын құруға, инновацияларды енгізуге және халықтың әл-ауқатын арттыруға мүмкіндік береді.
