Қаладағы Ұлттық теннис орталығында жастар арасындағы әлем чемпионатына іріктеу бойынша Дэвис кубогы кезеңінің ұлдар арасындағы сайыстың ашылу рәсімі өтті. Junior Davis Cup Азия/Океания аймағының іріктеу сайысына 16 жасқа дейінгі аталған аймақтың ең мықты жасөспірімдері бақ сынады.
Шымкент қаласының әкімі Ғабит Сыздықбеков, ҚР Теннис федерациясының вице-президенті Диас Досқараев іс-шарада барша қатысушыларға сәттілік тілеп, сайыстың маңызы жоғары екенін атап өтті. ҚР Теннис федерациясының вице-президенті Диас Досқараев барша ұйымдастырушыларға рақметін жеткізді.
Теннистен жасөспірімдер арасындағы әлем чемпионатына іріктеу Шымкент қаласында екінші рет өтті. Жасөспірім ұлдар арасындағы іріктеу сайысына Қазақстан, Австралия, Қытай, Гонконг, Үндістан, Индонезия, Жапония, Оңтүстік Корея, Жаңа Зеландия, Таиланд, Вьетнам командалары қатысуда.
Аталған турнирде Алматы және Шымкент қаласы, Түркістан облысының спортшылары ел намысын қорғады.
NARKESKEN.KZ