Шымкент қаласы жұмыспен қамту және әлеуметтік қорғау басқармасының «Қандастарды бейімдеу және ықпалдастыру орталығы» коммуналдық мемлекеттік мекемесінің басшысы Бақытжан Сұлтанбеков Республика күні мерекесі қарсыаңында кіші кәсіптік мамандықтарға оқып жатқан қандастарымыздың оқу барысымен танысып, тігінші мамандықтарын аяқтаған қызмет алушы қандастарымызға куәлік табыстап, оқу орталығындағы қызмет алушылар мен мамандарды мерекемен құттықтап, оқу орталығы қызметкрлеріне өз алғысын білдірді.
«Қандастарды бейімдеу және ықпалдастыру орталығы» коммуналдық мемлекеттік мекемесі Қазақстан Республикасының заңнамасына сәйкес қандастар мен олардың отбасы мүшелерін бейімдеу және ықпалдастыру қызметін атқарады.
Орталықта тегін тұратын қандастар мен олардың отбасы мүшелеріне келесі бейімдеу және ықпалдастыру қызметтері көрсетіледі:
1. Ақпараттық-анықтамалық қызметтерді ұсынады;
2. Мемлекеттік тілді, қалауы бойынша орыс тілін үйретеді;
3. Қазақстан Республикасының тарихын, мәдениетін және дәстүрлерін, заңнамалық негіздерге және шағын бизнес ашу курстарын өткізеді;
4. Әр түрлі мәдени шаралар өткізеді;
5. Құқықтық көмек көрсетеді (кеңестер, консультациялар және тіркелуге көмектесу, оралмандардың көшіп келу квотасына енуге, азаматтық алуға, әлеуметтік жәрдемақылар алуға өтініштер беруге);
6. Аударма бойынша қызмет ұсынады;
7.Жұмысқа орналастыруда, кәсіби даярлауда, қайта даярлауда және біліктілігін арттыруда көмек көрсетеді;
8.Тегін медициналық көмектің кепілдік берілген көлемін қамтамасыз етуге жәрдемдеседі;
9.Мемлекеттік атаулы әлеуметтік көмек алуға жәрдемдеседі;
10.Қазақстан азаматтығын алу және құжаттандыру мәселелеріне жәрдемдеседі.
Шымкент қаласы жұмыспен қамту және әлеуметтік қорғау басқармасының «Қандастарды бейімдеу және ықпалдастыру орталығы» коммуналдық мемлекеттік мекемесі 55 адамға арналған. Тарихи Отанына оралған қандастарымыз 6 (алты) ай мерзімінде тегін тұрып, тегін қызмет түрлерін пайдалана алады.
«Қандастарды бейімдеу және ықпалдастыру орталығының» Қазақстан Республикасы, Шымкент қаласы, Тұран ауданы, Абай даңғылы №3Г мекенжайында орналасқан.