Шымкент ипподромында өткен бәйгеден Қазақстан Республикасы чемпионаты – Olimpbet-тің бірінші іріктеу кезеңі сәтті аяқталды. Жарыс Бәйге Федерациясы, ҚР Туризм және спорт министрлігі, Шымкент қаласы әкімдігі және ҚР Ұлттық спорт түрлері қауымдастығының қолдауымен өтті.
Бәйге аттары бәйгенің төрт бағыты бойынша іріктелді: Құнан бәйге, Ұшқыр бәйге, Топ бәйге, Аламан бәйге.
Құнан бәйгеге 17 сәйгүлік қатысты. Іріктеу кезеңінің нәтижелері бойынша алғашқы бестікке шыққан сәйгүліктер финалға жолдама алды. Олар:
1-орын – Айхай (Жамбыл облысы) Шабандоз – Назар Жолаушы. Жылқы иесі және бапкері – Талғат Сәкенов.
2-орын – Райхан (Алматы облысы)
3-орын – Айсұлтан (Алматы облысы)
4-орын – Асылтас (Жетісу облысы)
5-орын – Гималай (Алматы облысы)
Ал, Ұшқыр бәйгеге үш сәйгүлік қатысты. Бұл жарыста алматылық «Әбдеш торы» сәйгүлігі абсолютті жеңімпаз атанды. Шабандоз: Әлібек Нұрғазыұлы, жылқы иесі: Тастан Жанысбаев, бапкер: Санат Рысқұлов.
Топ бәйгеге 17 жылқы қатысты. Финалға өткендер:
1-орын – Кердауыл (Жамбыл облысы)
• Шабандоз: Асланбек Абдыкал
• Жылқы иесі және бапкері: Данияр Иманқұлов
2-орын – Торыдауыл (Жамбыл облысы)
3-орын – Ла Донна (Жамбыл облысы)
4-орын – Дүлдүл (Батыс Қазақстан облысы)
Аламан бәйге 16 тұлпар қатысып, Алматы облысынан келген «Қаршыға» сәйгүлік 1-орынға ие болды. Шабандоз – Мерей Гарипуллин, жылқы иесі – Сапарғали Сәтпаев, бапкер – Жамбыл Бөбекбай.
Ал, Түркістан облысынан келген «Ақтаңгер» тұлпар 2-орынға, алматылық «Назар» 3-орынға шықты. Жамбыл облысының «Дубави» тұлпары 4-орын, алматылық «Медеу» 5- орын иеленді.
Бәйгеден Қазақстан Республикасы чемпионаты – Olimpbet финалы 2025 жылдың күзінде өтеді. Алайда, шешуші сайысқа дейін қатысушылар Қызылордада өтетін екінші іріктеу кезеңінде өз шеберліктерін дәлелдеуі тиіс. Ең үздік жүйріктер тағы да жарыс алаңына шығып, шешуші бәйгеге жолдама алу үшін бақ сынайды.
