Мақтаарал ауданында сайлау процесіне қатысушылардың құқықтарын қорғау және қоғамдық өмірге тарту мәселелеріне ерекше мән берілуде. 2026 жылға арналған оқыту жоспары аясында, сондай-ақ Қазақстан Республикасы Құрылтайы депутаттарын сайлауды ұйымдастыру жұмыстарына дайындық мақсатында, аудандық аумақтық сайлау комиссиясы инватакси қызметкерлерімен ақпараттық-түсіндіру кездесуін өткізді.
Кездесу барысында Мақтаарал аудандық аумақтық сайлау комиссиясы төрағасының орынбасары Ш.Сатыбалдиев мүгедектігі бар азаматтардың сайлау құқығын толыққанды пайдалануына кепілдік беру шараларын қарастырды. Ол инватакси қызметкерлерінің міндеттері мен жауапкершіліктерін нақтылап, мүгедектігі бар адамдарды сайлау учаскелеріне қауіпсіз әрі ыңғайлы тасымалдау тәртібін түсіндірді. Бұл мәселе тек логистикалық қажеттілік емес, сонымен қатар мемлекеттік деңгейдегі әлеуметтік кепілдік ретінде қарастырылып отыр.
Аудан бойынша қазіргі таңда 8 инватакси қызметі белсенді жұмыс істеп тұр. Оның ішінде 3 көлік ерекше жабдықталып, кресло-арбамен қозғалатын немесе арнайы көмек қажет ететін азаматтарды тасымалдауға бейімделген. Мұндай инфрақұрылым азаматтардың қоғамдық өмірге толыққанды қатысуына, өз таңдауын еркін жасауына және конституциялық құқықтарын шектен тыс пайдалануына мүмкіндік береді.
Іс-шара барысында әрбір азаматтың өмірі мен қадір-қасиеті мемлекет үшін басты құндылық екені, ал сайлауға қатысу – жеке болашақ пен ел келешегіне қатысты маңызды таңдау екені ерекше атап өтілді. Ерекше қажеттіліктері бар азаматтар үшін қолайлы жағдай жасау – бүкіл қоғамның ортақ міндеті ретінде қарастырылып, бұл бағыттағы жұмыстардың үздіксіз дамуына назар аударылды.
Кездесу соңында қатысушылар пікір алмасып, сайлау науқаны кезіндегі қызмет сапасын арттыру, өтініштерге жедел әрекет ету және кедергісіз қатысуды қамтамасыз ету мәселелері бойынша өзара тәжірибе бөлісті. Қатысушылар өздерін толғандырған сұрақтарға толыққанды жауап алып, тиімді ынтымақтастық орнатуға ниет білдірді.
