QAMQOR ӨҢІРЛІК БАҒДАРЛАМАСЫ БАСТАЛДЫ!

Шымкентте қала әкімдігінің қолдауымен қала тұрғындарын баспанамен қамтамасыз етуге арналған «Qamqor» жаңа өңірлік бағдарламасының жаңа кезеңі басталды. Өтінімдерді қабылдау otbasybank.kz жылжымайтын мүлік порталында 30.09.2024 сағат 16:00 — 28.11.2024 жылы сағат 18:00 дейін жалғасады.

Бағдарламаға БАҚ қызметкерлері, журналистер, медицина, білім, мәдениет, спорт, энергетика салаларының мамандары, халыққа қызмет көрсету орталықтары қызметкерлері, мемлекеттік мекемелер мен мемлекеттік кәсіпорындардың қызметкерлері қатыса алады. Сондай-ақ өрт сөндіруші және құтқарушылардың да бұл бағдарламаға қатысып, баспаналы болуға мүмкіндіктері бар.

«QAMQOR» БАҒДАРЛАМАСЫНЫҢ АРТЫҚШЫЛЫҚТАРЫ:

1. 20 000 000 теңгеге дейін несие соммасы;
2. Пайыздық мөлшерлеме -6%(ЖТСМ 6,4% бастап 6,9% дейін);
3. 10% бастапқы жарна;
4. Несие мерзімі 25 жылға дейін;
5. Шымкент қаласындағы бірінші нарықтағы тұрғын үй.

БАҒДАРЛАМАҒА КІМ ҚАТЫСА АЛАДЫ?

1. Қатысушының жасы өтініш берген сәтті қоса алғанда 63 жастан аспауы керек.
2. Үміткердің және оның отбасы мүшелерiнiң соңғы 5 жылда Қазақстан аумағында жеке меншiк құқығындағы тұрғынжайы болмауы қажет.
3. Соңғы 3 жылда Шымкент қаласында тұрақты тіркеуде тұруы талап етіледі.
4. Шымкент қаласында таңдаған саласы бойынша соңғы 12 айдан кем емес жұмыс өтілі болуға тиіс.
5. Бағдарламаға ерлі-зайыптылардың біреуі ғана қатыса алады.

Қарыз алушы банктік қарыз шарты бойынша міндеттемелерді орындамаған жағдайда қарыз алушының жауапкершілігі және Банктің құқықтары туралы ақпарат банктің ресми сайтында www.hcsbk.kz орналастырылған.