Әл-Фараби ауданы аумағында қала әкімінің бастамасымен салынған жаңа гүлзар ел игілігіне берілді. Салтанатты ашылу рәсіміне Ғабит Әбдімәжитұлы арнайы қатысып, жергілікті халықпен тілдесті. Тұрғындар әсем гүлзардың салынғанына ерекше ризашылықтарын білдірді.
Жалпы аумағы 0,31га құрайтын Ә.Диваев көшесінде орналасқан гүлзарда шынар, гуджу, каштан ағаштарының көшеттері мен көпжылдық сәндік гүлдер отырғызылды.
Жалпы 20 көпқабатты тұрғын үй мен 3 300 адамды қамтитын аумақта балаларға арналған 2 әткеншек, 1 шахмат үстелі, 2 теннис үстелі, 18 мәрмәрдан жасалған орындық, 13 қоқыс жәшігі, 4 вазон, 34 жарықшам бағанасы, 6 пергола, 14 декоративті тас орнатылды.
Құрылыс жұмыстары барысында 1031 ш.м. құрайтын аумаққа мәрмәрдан жасалған аяқжол салынып, 1014 ш.м. аумақ көгалдандырылды.
Сондай-ақ, қала тұрғындары мен қонақтарының ыңғайлылығы үшін 2 велотұрақ, субұрқақ және фотоаймақ жасалды.