Шымкент қалалық денсаулық сақтау басқармасының басшысы Н.Асылбековтың төрағалығымен жедел жәрдем станциясы қызметкерлеріне семинар ұйымдастырылды. Жиында шақыртуларға уақытылы жету, науқастарға сапалы дұрыс көмек көрсету, қажет болған жағдайларда ауруханаға уақытылы жеткізу, аналардың, балалардың өлімін болдырмау мәселелері талқыланып, мәселерлердің шешімі айтылды.
Сондай-ақ бұл күні ҚР денсаулық сақтау Министірінің тапсырмасына сәйкес Шымкент қаласының жедел жәрдем бригадалары үшін аттестациялау жүргізілді. Біліктілігін жетілдіруден 1130 қызметкер өтті.
Әртүрлі бейін мамандарынан құралған сарапшылар тобы арнайы әзірленген бақылау парақтары бойынша сұрақтар койып, түрлі жағдайлар бойынша симуляциялық құрылғыларды пайдалана отырып, дәрігерлер мен фельдшерлердің біліктілік деңгейін тексерді.
Семинарда жедел жәрдем қызметкерлеріне жұмыстың маңыздылығы мен жауапкершілігі жоғары туралы айтылып, қызмет көрсету барысында орын алуы мүмкін жағдайлар бойынша талдаулар жүргізілді. Халыққа көрсетілетін қызметтің сапалы жүргізілуі керектігі жөнінде қатаң тапсырмалар берілді.
