Бүгін Шымкент қаласындағы Қаратау дәстүрлі өнер мектебінде Әдет-ғұрып және салт-дәстүр орталығының ұйымдастыруымен «Дәстүр – ұлт ұстыны» атты этнос өкілдері арасындағы байқау өтті. Іс-шара қазақ жеріндегі түрлі этностардың мәдениеті мен салт-дәстүрін насихаттауға бағытталды.
Байқау барысында қатысушылар өз ұлтының болмысын танытып, ұлттық би мен әндерін орындап, сахналық қойылымдар қойды. Сонымен қатар, қолөнер ерекшеліктерін көрсетіп, халықтық дәстүрлер мен ұлттық құндылықтарды дәріптеді. Іс-шараның негізгі мақсаты – этносаралық бірлікті нығайтып, әр халықтың мәдениетіне құрметпен қарауға тәрбиелеу.
Байқау төрт кезеңнен тұрды:
* Ұлттық аспаптармен дәстүрлі ән орындау
* «Салт-дәстүрім – таусылмайтын қазынам» атты сахналық қойылым
* «Ою – ұлт өнерінің айнасы» тақырыбындағы қолөнер таныстырылымы
* Салт-дәстүрге қатысты викториналық сұрақтарға жауап беру
Қазылар алқасының шешімі бойынша:
«Бірлік рухы» командасы – Бас жүлде
Татар-башқұрт мәдени бірлестігі – II орын
Славян этнос өкілдері командасы – III орын
Сонымен қатар, корей этнос бірлестігі «Үздік орындаушы» номинациясын иеленсе, өзбек ұлтының командасы «Ұлттық киім» аталымында үздік деп танылды.
