Ұлыстың ұлы күні қарсаңында Түлкібас ауданында 56 азамат баспаналы болып, қоныс тойын тойлады. Тұрғындарды аудан әкімі Асқар Естібаев, аудандық мәслихаттың төрағасы Серғали Сәрсембаев, аудандық ардагерлер кеңесінің төрағасы Сәтбай Қасымбек қоныс тойларымен құттықтап, кілттерін табыс етті.
Аталған пәтер кілттері кезекте тұрған 11 жетім балаға, 16 көпбалалы анаға, 19 осал топтағы азаматқа, 9 бюджеттік мекеме қызметкеріне және 1 апатты үй тұрғынына табысталды. Солардың қатарында 11 баланың анасы Молдашова Салтанат та бар. 1983 жылы дүниеге келген Салтанат ханым Машат ауылдық округіне қарасты Қызылбастау ауылында 9 жылға жуық уақыт жалдамалы пәтерде тұрып келген. Міне, бүгін мемлекеттік қолдау арқылы жаңа 3 бөлмелі баспанаға қол жеткізіп отыр.
Аудан әкімі зиялы қауым өкілдерімен бірге көпбалалы анының пәтерінде болып, қоныс тойымен құттықтады. Сыйлық табыстады, ақсақалдар ақ батасын берді.
