Шымкентте Ө.Жәнібеков атындағы ОҚПУ-да «Рух сардары» атты республикалық жас ақындар айтысы өтті. Өнер додасын Шымкент қаласы әкімінің орынбасары Сәрсен Құранбек, «Аманат» партиясы Шымкент қалалық филиалының төрағасы Бахадыр Нарымбетов құттықтау сөзбен ашты. Ал, айтыскерлердің өнеріне Маржан Есжанова, Кәрима Оралова, Анар Жаппарқұлова сияқты белгілі айтыс ақындары төрелік етті.
Айтысқа 14 ақын қатысып, 7 жұп болып айтысты. Ақындар ел құрметіне бөленген айтулы тұлға, рух сардары Өзбекәлі Жәнібековтің ұлтқа сіңірген еңбегімен қоса қоғамдағы өзекті мәселелерді де арқау етті.
Бас жүлдеге тігілген 1 000 000 теңге ақтөбелік ақын Нұрбол Жауынбаевқа бұйырды. Айтысқа қатысқан барлық ақындар қаржылай сыйлықпен марапатталды.
NARKESKEN.KZ