“Шардара ауданы білім бөлімінің лауазымды тұлғалары жемқорлық фактілері бойынша күдікке ілінді” деп хабарлады ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаментінің баспасөз қызметі.
Ресми дерекке жүгінсек, 12 қатысушыдан тұратын тұрақты ұйымдасқан топ, оның ішінде бөлім басшылары мен олардың бағынысты бухгалтерлері білім беру саласында нақты жұмыс істемеген жеке тұлғаларға, сондай-ақ өздерінің жеке шоттарына жалақыны заңсыз аудару жолымен 2020-2023 жылдар кезеңінде бюджет қаражатын жымқырды деп күдіктенеді.
Қылмыстық әрекеттермен мемлекетке 3,7 млрд теңге көлемінде залал келтірілді.
Қабылданған шаралар нәтижесінде жалпы сомасы 639,8 млн теңгеге залал өтелді және мүлікке тыйым салынды.
Шардара ауданы білім бөлімінің лауазымды тұлғаларына қатысты сотқа дейінгі тергеу аяқталып, прокуратураға жіберілген.
