2026 жылғы 31 наурызда Ғылым және жоғары білім министрі Саясат Нұрбек Қазақстанда оқу ақысының күрт өсуіне жол берілмейтінін, ал шәкіртақыны қайтадан арттыру мәселесі қарастырылып жатқанын мәлімдеді.
Соңғы бес жылда шәкіртақылар жыл сайын 20-25%-ға өсіріліп, жалпы көлемі 100%-ға артқан. 2025 жылы бұл бағдарлама аяқталды. Қазіргі таңда Үкіметпен бірге шәкіртақыны жыл сайын қайтадан өсіру үшін жаңа бағдарламаны іске қосу мүмкіндігі қарастырылуда. Ең жоғары өсім докторанттарға тиесілі. PhD докторанттарының ай сайынғы алатыны шамамен 254 мың теңгеге жеткен. Педагогикалық мамандықтар бойынша да шәкіртақы айтарлықтай ұлғайтылған.
Минималды шәкіртақы көлемі (педагогикалық мамандықтарға берілетін үстемақыларды есептемегенде) шамамен 55 мың теңгені құрайды.
Оқу ақысы мемлекет тарапынан реттеледі. Мемлекеттік университеттерде бағаның күрт өсуіне жол берілмейді. Университеттерге тек инфляция деңгейіне байланысты аздаған түзету жасауға рұқсат етіледі – шамамен 10%-ға дейін. Министрлік барлық жоғары оқу орындарымен келіссөз жүргізіп, оқу ақысының негізсіз қымбаттауына жол бермейді.
