Облыс орталығында 15-17 шілде күндері «Шағалалы Шардара шақырады!» атты Шардара ауданының мәдениет күндері өтті. 15 шілде күні «Фараб» кітапханасында сағат 16:00-де «Періште пейілді шайыр» атты ақын, ардагер ұстаз Нұрғали Ибрайыммен кездесу кеші, ал сағат 17:00-де белгілі сазгер, Шардара ауданының «Құрметті азаматы», әнші Лесбек Амановтың өмірі мен шығармашалығына арналған «Қара бауыр қасқалдақ» атты музыкалық әдеби кеші өтті. Облыстық мәдениет және халық шығармашылығы орталығының ұйымдастыруымен «Фараб» ғылыми әмбебап кітапханасында өткен кеште сазгердің әндері жинақталған жаңа кітаптың тұсауы кесілді, әрі қарай кешкі 19:00-20:00-де Керуен сарай туристік кешенінде көрмелер, мәдени және спорт шерулері, концерттік бағдарламаларға ұласты. 16 шілде күні де кешкі концерт, 17 шілде күні 9:00-12:00 арасында Экобазарда аудан өнімдері жәрмеңкесі және Керуен сарай туристік кешенінде кешкі Гала-концерт өтті.