Былтыр Шымкент қаласындағы 1195 азамат қайтарымсыз грант ұтып, бизнес бастады. Олар негізінен жылқы, ешкі, бөдене өсіру шаруашылығы мен тігін цехы, кондитер өнімдерін дайындау, сұлулық салонын ашу сияқты кәсіп түрлерін дамытуды қолға алған.
Қайтарымсыз грантты I кезең – 225, II кезең -172, III кезең-212 адам, ал IV кезең-586 азамат иеленді.
Бұл мүмкіндік еліміздегі кәсіпкерлікті дамыту ұлттық жобасы аясында жүзеге асырылып, жастар, көпбалалы аналар, аз қамтылған, мүгедек бала асырап отырған отбасылар сынды санаттар бойынша берілген еді.
Мегаполис тұрғыны Ерлан Оңғарбайұлы — білікті стомотолог. Тіс емдеу орталығын ашқан талапты жас, грант қаражатына қажетті құрылғыларды сатып алған. Бүгінгі таңда әлеуметтік желіні шебер игеріп, қала тұрғындарының денсаулығын жақсартуға үлес қосып келеді.
Ұлттық жоба биыл да жалғасады. Оның көлемі 400 айлық есептік көрсеткішке тең.
Narkesken.kz