«Түркістан облысының Келес ауданында жалпы құны 55 млн АҚШ долларын құрайтын күн электрстанциясы салынбақ. Жобаның қуаттылығы сағатына 100 МВт. Аудан әкімі Жәнібек Ағыбаев жобаны жүзеге асыратын «Солнечная Система» ЖШС директоры Нұрбек Абдешевпен кездесіп, қос тарап алдағы жоспарды талқылады» деп хабарлады Түркістан облысының Өңірлік коммуникациялар қызметі.
Күн электр станциясының құрылысы 2025 жылы басталып, 2027 жылы іске қосу жоспарланған.
Құрылыс кезінде 100-ге жуық жұмыс орны құрылса, нысанды пайдалану кезеңінде 8 жұмыс орнын ашу көзделген. Жоба аяқталған соң жалпы өңірлік өнім көлемі жылына шамамен 2,5 млрд теңгеге ұлғаюы күтілуде.
Аудан әкімі экономикалық, экологиялық жағынан да тиімді екенін атап өтті.
Кездесу барысында жоба жүзеге асатын аумаққа қажетті инфрақұрылым жүйелерін тарту бағытындағы мәселелер талқыланды.
