Арыс қаласындағы білім беру мекемелері мен аумақтық сайлау комиссиясы арасында стратегиялық серіктестік орнатылды. Түркістан облыстық аумақтық сайлау комиссиясының тапсырмасын орындау мақсатында Арыс қалалық аумақтық сайлау комиссиясы жергілікті колледждермен ынтымақтастық меморандумына қол қойды. Бұл құжат электоралды мәдениетті арттыру және азаматтардың сайлау сауаттылығын көтеру бағытындағы бірлескен жұмыстың негізі болмақ.
Меморандум аясында екі тарап әлеуметтік жаңғыру процесіне белсенді атсалысуға, жас мамандардың кәсіби даярлығын қамтамасыз етуге және халықтың өз билігін тікелей жүргізу құқығын толық сезінуіне жағдай жасауға міндеттеме алды. Негізгі бағыттардың бірі – референдумдар мен еркін сайлаулар арқылы демократиялық институттардың жұмыс істеу механизмдерін түсіндіру және жастардың саяси белсенділігін ояту.
Қол қою рәсіміне №17 колледж директоры Ғ. Мырзахметов, Арыс гуманитарлы-техникалық колледжінің директоры Н. Сарманов және Арыс қалалық аумақтық сайлау комиссиясының төрағасы Е. Маханов қатысты. Келісімге қол қою шарасы қаладағы жастар арасындағы саяси сауаттылықты арттыру және азаматтық қоғамды дамыту бағытындағы маңызды қадам ретінде бағаланады. Болашақта бұл серіктестік жас ұрпақтың мемлекеттік құрылымдармен өзара әрекеттесуін нығайтып, қоғамдық пікірді қалыптастыруға оң әсер етуі күтілуде.
